285984811417404
Loading...

拍拖世紀難題:男生篇

世紀難題是什麼?是E = mc² 的命題?No!而是另一半對你的複雜問題!有時候都會收到讀者們的有趣留言,令我們哭笑不得。多是與另一半相處的疑問,又有時是分享(或投訴?)另一半的無理問題。我們集合3條男生常常面對的「世紀難題」,分析一下也討論一下!



女朋友第1問:「去邊/食咩好?」
「下,又食呢間呀?」「你無plan定架咩?點解唔book檯?等成個鐘先有位」老老實實,呢個問題係男女之間每日都要面對既大難題;而且如果處理得唔好亦好容易因為呢條小問題而引發更大問題,令小問題變成大吵架!

Restaurant: My Tai Tai

黎到今時今日,大家都識得利用科技去幫手搵餐廳。但亦有小技巧幫幫手,令你更易計劃好拍拖出街去邊食飯。

1. 善用網上餐廳訂座系統
找好餐廳有時真的要花上很多時間,但找到好餐廳如果暫時未必用上,緊記要收藏下來再用。Openrice內亦有網上訂座系統,要book檯只需按上幾個button就可以了。

2. 做好自己的活動Bucket List
Bucket List也可以紀錄下玩樂、藝術活動等,即時不能即時使用,也可以在日後查閱,那就不用到週末時「諗到腦爆」!


女朋友第2問:「同唔同我朋友食飯?」
有時候你好怕同一大班女仔一齊食飯,因為當佢地講D女人野嘅時候,你只係負責係度傻笑,真係比死更難受。但係你拒絕唔出席又唔得喎,點算好?


不妨借用一下黃子華喺電視劇《絕代商驕》提出嘅「虛應、陪笑」。

1. 「虛應」
成班女仔講無聊野問你意見,好多時只係怕你悶親,叫做問下你意見,你唔使太認真嘅,只需要「虛應」一下,答下:「哦!」「係咩?」,得閒又讚下佢地兩句胡混過關。

2. 「陪笑」
「陪笑」更易啦,佢地講搞笑野時又大聲笑兩下,袋定最近好hit嘅搞笑話題同大家有少少interaction,一餐飯好快過!


女朋友第3問:「知唔知自己有咩唔岩?」
去左呢條問題,點都係出左事架喇。由於女性係「火遮眼」嘅時候都有一個共同點,就係辯論CP能力爆升,道理似係永遠站在佢地個邊,所以男生們點都要識做,要先轉攻為守!

1. 先將毀滅性降低
由於「火遮眼」時候CP值爆升,先令女朋友消氣下火好重要。呢個時候先將自己有可能嘅罪狀都講一次,等佢覺得你有悔意,咁就易搞好多。情況就好似捉高CP精靈咁,「請佢食粒糖,萬事有商量」。


2. 第二日先展開理性對話
尋日認完低威,只不過想女朋友迅速消氣,你估我地男仔真係咁大方?搵個機會,攞番件事出黎理性討論,比女朋友知道佢都有唔啱嘅地方,但之後又用大方嘅態度原諒佢,完美對策!


呢3個問題Couples們問得最多,大家覺得仲有咩難答需要討論(投訴)下?我地下次來個女生篇!

圖片來源:網上圖片

bucketlist 6370874284080017723

張貼留言

首頁 item

「拍拖好去處」Facebook

下載「拍拖好去處」App

「拍拖好去處」Instagram

Instagram

訂閱「拍拖好去處」情報

熱門文章