免費互動體驗遊戲 齊做運動支持本地體育發展!

 

之前行過旺角The Forest商場時就發現有個好有趣嘅體育互動體驗館，入面空間好大而且有好多唔同運動嘅互動遊戲可以玩！你想玩籃球、欖球、定筋肉擂台？

 

SPORTS EXPO原來係市建局策劃並由香港遊樂場協會營運嘅體育互動體驗館，設有4大遊戲區，分別為虛擬競技場、360° VR體驗區、體驗遊戲同觸控螢幕遊戲區。

 

最有趣會係好似筋肉擂台嘅「虛擬競技場」，有個1v1嘅「激鬥九宮格 Powergrid」，考驗對戰者嘅反應同速度！加埋畫面特效同聲音，都幾令人熱血沸騰！另外仲有籃球步法訓練 Basketball同埋速度梯競賽 Speed ladder，都係以遊戲對個人的步法同體能進行訓練。

 

360° VR體驗區就可以戴起VR眼鏡，進入虛擬世界進行賽車競技。又或者參加體能歷險，在虛擬世界挑戰伸展動作，同利用拳擊打敗壞蛋角色。

 

體感遊戲區則有乒乓球、沙灘排球、欖球的訓練，當中更有各項運動嘅星級教練為你做一對一教學，例如高禮澤和李靜、沙排教練杜詠彤等。

 

一齊去體育互動體驗館免費玩樂！順便支持一下香港本地體育發展！

地址： 旺角奶路臣街17號2樓 212舖The FOREST
營業時間：星期一至日 12:00–21:00

#體育互動體驗館 #SPORTSEXPO #虛擬遊戲 #VR #週末好去處 #香港遊樂場協會